中評社北京4月14日電／據文匯網報道，區議員宣誓法案正喺立法會審議，落實後如果違誓除咗會喪失議席，仲要依法承擔法律責任。唔少攬炒派區議員自知難以偷雞過關，甚至怕要為參與組織違法“初選”、鼓吹“港獨”負責，已先後表明唔會宣誓。據傳媒報道，西貢區黎銘澤、中西區何致宏、屯門區李家偉、元朗區杜嘉倫、東區黃宜等5名“已辭職”攬炒派區議員原來早已丟低議員職務離開香港，“散水潮”已現。全國政協副主席梁振英就喺facebook發帖咁話：“5名區議員又離開香港。原來的信誓旦旦只是口水。”
今期《東周刊》踢爆，5名攬炒派區議員早已丟低議員職務，出走英國及瑞士。香港文匯報記者噚日致電求證，黎銘澤、何致宏、杜嘉倫、李家偉的電話均由其議助或他人接聽，被問議員係咪已離港時都唔敢答，分別只稱“呢個唔清楚”、“唔清楚、唔了解”、“唔方便答”及“唔清楚，但議辦會照常運作”；黃宜就一直無回覆。
香港文匯報記者昨日查看各被傳已“走佬”者的fb專頁，其中，黎銘澤的專頁自4月9日後再無更新；何致宏專頁更自3月16日後已無更新，置頂帖文為他當日自稱患上抑鬱症的內容；杜嘉倫的專頁至昨日仍有新帖文，但有網民詢問他是否身在香港時未獲回應；李家偉專頁昨日有新帖文，聲稱區議員“最有身位以及責任推動（‘社區自救’）這一種抗爭”、“考慮宣誓問題時我們可以將‘社區自救’納入考量範圍，再決定到底我們應否宣誓或作出其他行動”云云。
唔少網民都話反映攬炒派從政得把口，一啲承擔都冇。“Oi King Chan”話：“講一套好勇，做又一套好狗。”“Siu Wing Fok”就話：“呢班人只會抽水搵著數，一啲承擔都冇，‘革命’？革你條命！”“Wcyiol Poon”就用返攬炒派嘅口號嚟揶揄：“他們好×愛香港喎。”
有網民就叫政府盡快整頓區會，將“著草議員”停職。“Caroline Pang”話：“唔該政府唔好浪費納稅人嘅錢，繼續出糧比（畀）呢班人。即CUT，please！”“Yonnie Tse”就話：“區議員？停左（咗）糧支未？要督促政府相關部門喎！”“Peter Wong”都話：“眾所周知這批區議員志不在為地區做事，只是每天收政府公帑，伺機再攪事而已，希望從速整頓區議會。”
另，郭榮鏗昨日亦喺fb發帖稱已向公民黨提出退黨申請。
郭榮鏗李軍澤退出訟黨
不過，其實仲有唔少攬炒派區議員為咗“糧支”而唔想散水，反而急住與“同路人”割席，公民黨近日就繼續出現“退黨潮”。好似觀塘區議員李軍澤噚日就喺fb發帖稱：“於公民黨退修會後，本人發現與公民黨的意見大相逕庭。經過反覆思量後，本人決定退出公民黨……”“Fen Go Lam”就留言揶揄：“樹倒猢猻散！”
|
